Ad Lauds

Semiduplex II class

Incipit

℣. Deus ✠ in adiutórium meum inténde.

℟. Dómine, ad adiuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúia.

Psalm 92

Ant. Allelúja, * Dóminus regnávit, decórem índuit, allelúja, allelúja.

92:1a Dóminus regnávit, decórem indútus est: * indútus est Dóminus fortitúdinem, et præcínxit se.

92:1b Étenim firmávit orbem terræ, * qui non commovébitur.

92:2 Paráta sedes tua ex tunc: * a sǽculo tu es.

92:3a Elevavérunt flúmina, Dómine: * elevavérunt flúmina vocem suam.

92:3b Elevavérunt flúmina fluctus suos, * 4a a vócibus aquárum multárum.

92:4b Mirábiles elatiónes maris: * mirábilis in altis Dóminus.

92:5 Testimónia tua credibília facta sunt nimis: * domum tuam decet sanctitúdo, Dómine, in longitúdinem diérum.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Ant. Allelúja, * Dóminus regnávit, decórem índuit, allelúja, allelúja.

Psalm 99

Ant. Jubiláte * Deo omnis terra, allelúja.

99:2a Jubiláte Deo, omnis terra: * servíte Dómino in lætítia.

99:2b Introíte in conspéctu ejus, * in exsultatióne.

99:3a Scitóte quóniam Dóminus ipse est Deus: * ipse fecit nos, et non ipsi nos.

99:3b Pópulus ejus, et oves páscuæ ejus: ‡ 4a introíte portas ejus in confessióne, * átria ejus in hymnis: confitémini illi.

99:4b Laudáte nomen ejus: 5 quóniam suávis est Dóminus, † in ætérnum misericórdia ejus, * et usque in generatiónem et generatiónem véritas ejus.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Ant. Jubiláte * Deo omnis terra, allelúja.

Psalm 62

Ant. Benedícam te * in vita mea, Dómine: et in nómine tuo levábo manus meas, allelúja.

62:2a Deus, Deus meus, * ad te de luce vígilo.

62:2b Sitívit in te ánima mea, * quam multiplíciter tibi caro mea.

62:3 In terra desérta, et ínvia, et inaquósa: ‡ sic in sancto appárui tibi, * ut vidérem virtútem tuam, et glóriam tuam.

62:4 Quóniam mélior est misericórdia tua super vitas: * lábia mea laudábunt te.

62:5 Sic benedícam te in vita mea: * et in nómine tuo levábo manus meas.

62:6 Sicut ádipe et pinguédine repleátur ánima mea: * et lábiis exsultatiónis laudábit os meum.

62:7 Si memor fui tui super stratum meum, † in matutínis meditábor in te: * 8a quia fuísti adjútor meus.

62:8b Et in velaménto alárum tuárum exsultábo, † 9 adhǽsit ánima mea post te: * me suscépit déxtera tua.

62:10 Ipsi vero in vanum quæsiérunt ánimam meam, † introíbunt in inferióra terræ: * 11 tradéntur in manus gládii, partes vúlpium erunt.

62:12 Rex vero lætábitur in Deo, † laudabúntur omnes qui jurant in eo: * quia obstrúctum est os loquéntium iníqua.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Ant. Benedícam te * in vita mea, Dómine: et in nómine tuo levábo manus meas, allelúja.

Canticle

Ant. Tres púeri * jussu regis in fornácem missi sunt, non timéntes flammam ignis, dicéntes: Benedíctus Deus, allelúja.

Canticum Trium Puerorum * Dan 3:57-88,56

3:57 Benedícite, ómnia ópera Dómini, Dómino: * laudáte et superexaltáte eum in sǽcula.

3:58 Benedícite, Ángeli Dómini, Dómino: * benedícite, cæli, Dómino.

3:59 Benedícite, aquæ omnes, quæ super cælos sunt, Dómino: * benedícite, omnes virtútes Dómini, Dómino.

3:60 Benedícite, sol et luna, Dómino: * benedícite, stellæ cæli, Dómino.

3:61 Benedícite, omnis imber et ros, Dómino: * benedícite, omnes spíritus Dei, Dómino.

3:62 Benedícite, ignis et æstus, Dómino: * benedícite, frigus et æstus, Dómino.

3:63 Benedícite, rores et pruína, Dómino: * benedícite, gelu et frigus, Dómino.

3:64 Benedícite, glácies et nives, Dómino: * benedícite, noctes et dies, Dómino.

3:65 Benedícite, lux et ténebræ, Dómino: * benedícite, fúlgura et nubes, Dómino.

3:66 Benedícat terra Dóminum: * laudet et superexáltet eum in sǽcula.

3:67 Benedícite, montes et colles, Dómino: * benedícite, univérsa germinántia in terra, Dómino.

3:68 Benedícite, fontes, Dómino: * benedícite, mária et flúmina, Dómino.

3:69 Benedícite, cete, et ómnia, quæ movéntur in aquis, Dómino: * benedícite, omnes vólucres cæli, Dómino.

3:70 Benedícite, omnes béstiæ et pécora, Dómino: * benedícite, fílii hóminum, Dómino.

3:71 Benedícat Israël Dóminum: * laudet et superexáltet eum in sǽcula.

3:72 Benedícite, sacerdótes Dómini, Dómino: * benedícite, servi Dómini, Dómino.

3:73 Benedícite, spíritus, et ánimæ justórum, Dómino: * benedícite, sancti, et húmiles corde, Dómino.

3:74 Benedícite, Ananía, Azaría, Mísaël, Dómino: * laudáte et superexaltáte eum in sǽcula.

3:75 Fit reverentia: Benedicámus Patrem et Fílium cum Sancto Spíritu: * laudémus et superexaltémus eum in sǽcula.

3:56 Benedíctus es, Dómine, in firmaménto cæli: * et laudábilis, et gloriósus, et superexaltátus in sǽcula.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Ant. Tres púeri * jussu regis in fornácem missi sunt, non timéntes flammam ignis, dicéntes: Benedíctus Deus, allelúja.

Psalm 148

Ant. Allelúja, * laudáte Dóminum de cælis, allelúja, allelúja.

148:1 Laudáte Dóminum de cælis: * laudáte eum in excélsis.

148:2 Laudáte eum, omnes Ángeli ejus: * laudáte eum, omnes virtútes ejus.

148:3 Laudáte eum, sol et luna: * laudáte eum, omnes stellæ et lumen.

148:4 Laudáte eum, cæli cælórum: * et aquæ omnes, quæ super cælos sunt, laudent nomen Dómini.

148:5 Quia ipse dixit, et facta sunt: * ipse mandávit, et creáta sunt.

148:6 Státuit ea in ætérnum, et in sǽculum sǽculi: * præcéptum pósuit, et non præteríbit.

148:7 Laudáte Dóminum de terra, * dracónes, et omnes abýssi.

148:8 Ignis, grando, nix, glácies, spíritus procellárum: * quæ fáciunt verbum ejus:

148:9 Montes, et omnes colles: * ligna fructífera, et omnes cedri.

148:10 Béstiæ, et univérsa pécora: * serpéntes, et vólucres pennátæ:

148:11 Reges terræ, et omnes pópuli: * príncipes, et omnes júdices terræ.

148:12 Júvenes, et vírgines: † senes cum junióribus laudent nomen Dómini: * 13 quia exaltátum est nomen ejus solíus.

148:14a Conféssio ejus super cælum et terram: * et exaltávit cornu pópuli sui.

148:14b Hymnus ómnibus sanctis ejus: * fíliis Israël, pópulo appropinquánti sibi.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Ant. Allelúja, * laudáte Dóminum de cælis, allelúja, allelúja.

Benedictus

Ant. Ego sum * panis vivus, qui de cælo descéndi: si quis manducáverit ex hoc pane, vivet in ætérnum, allelúja.

Canticum Zachariæ * Luc. 1:68-79

1:68 Benedíctus ✠ Dóminus, Deus Israël: * quia visitávit, et fecit redemptiónem plebis suæ:

1:69 Et eréxit cornu salútis nobis: * in domo David, púeri sui.

1:70 Sicut locútus est per os sanctórum, * qui a sǽculo sunt, prophetárum ejus:

1:71 Salútem ex inimícis nostris, * et de manu ómnium, qui odérunt nos.

1:72 Ad faciéndam misericórdiam cum pátribus nostris: * et memorári testaménti sui sancti.

1:73 Jusjurándum, quod jurávit ad Ábraham patrem nostrum, * datúrum se nobis:

1:74 Ut sine timóre, de manu inimicórum nostrórum liberáti, * serviámus illi.

1:75 In sanctitáte, et justítia coram ipso, * ómnibus diébus nostris.

1:76 Et tu, puer, Prophéta Altíssimi vocáberis: * præíbis enim ante fáciem Dómini, paráre vias ejus:

1:77 Ad dandam sciéntiam salútis plebi ejus: * in remissiónem peccatórum eórum:

1:78 Per víscera misericórdiæ Dei nostri: * in quibus visitávit nos, óriens ex alto:

1:79 Illumináre his, qui in ténebris, et in umbra mortis sedent: * ad dirigéndos pedes nostros in viam pacis.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Ant. Ego sum * panis vivus, qui de cælo descéndi: si quis manducáverit ex hoc pane, vivet in ætérnum, allelúja.

Oratio

Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.

Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum. Amen.

Capitulum

1 Cor 11:23-24

℣. Fratres: Ego enim accépi a Dómino quod et trádidi vobis, quóniam Dóminus Jesus, in qua nocte tradebátur, accépit panem, et grátias agens fregit, et dixit: Accípite et manducáte: hoc est corpus meum, quod pro vobis tradétur: hoc fácite in meam commemoratiónem.

Deo gratias

Hymn

Verbum supérnum pródiens,

Nec Patris linquens déxteram,

Ad opus suum éxiens,

Venit ad vitæ vésperam.

In mortem a discípulo

Suis tradéndus ǽmulis,

Prius in vitæ férculo

Se trádidit discípulis.

Quibus sub bina spécie

Carnem dedit et sánguinem;

Ut dúplicis substántiæ

Totum cibáret hóminem.

Se nascens dedit sócium,

Convéscens in edúlium,

Se móriens in prétium,

Se regnans dat in prǽmium.

O salutáris hóstia,

Quæ cæli pandis óstium,

Bella premunt hostília;

Da robur, fer auxílium.

Uni trinóque Dómino,

Sit sempitérna glória:

Qui vitam sine término

Nobis donet in pátria.

Amen.

Versicle 2

℣. Pósuit fines tuos pacem, allelúja.

℟. Et ádipe fruménti sátiat te, allelúja.

Conclusio

℣. Dómine, exáudi oratiónem meam.

℟. Et clamor meus ad te véniat.

℣. Benedicámus Dómino.

℟. Deo grátias.

℣. Fidélium ánimæ per misericórdiam Dei requiéscant in pace.

℟. Amen.